سەردێڕ:

وێنە.. لە شارۆچکەی چڕە خۆپیشاندان دەستیپێکرد

فۆتۆ: 
2021-06-30

2782 جار خوێندراوەتەوە

بەهۆی نەبوونی کارەباوە لە شارۆچکەی چرەی سەر بە قەزای بەردەرەشی دهۆک خۆپیشاندان دەستی پێکردووە و رێگای سەرەکی دهۆک-هەولێریان داخستووە.


بەهۆی نەبوونی کارەباوە لە شارۆچکەی چرەی سەر بە قەزای شێخان لە دهۆک سەرلەبەیانی ئەمڕۆ خۆپیشاندان دەستی پێکرد و رێگای سەرەکی دهۆک-هەولێریان داخست.

خۆپیشاندەران داوای خزمەتگوزارییەکان و پێدانی کارەبا دەکەن و دەڵێن بارودۆخیان گونجاو نییە.

ئاماژە بەوەشدەکەن، کە هەلی کار لە شارۆچکەکەدا نییە و حکومەتیش خزمەتگوزارییەکانیان وەک پێویست پێنادات.

هاوکات، پاش ماوەیەک لە خۆپیشاندان هێزە ئەمنییەکان بە زەبری هێز بڵاوەیان بە خۆپیشاندەران کرد.

ئەوەش لە کاتێکدایە، لە ھەولێریش نارەزایەتیەکان بۆ کەمی و نەبوونی ئاو و کارەبا و خزمەتگوزاریەکان بەردەوامە و ئەمشەویش هاوڵاتیانی گەڕەکی باداوە دەستیان بە خۆپیشاندان کرد و هاوڵاتییەکی دانیشتووی ئەو گەڕەکە باسی لەوەکرد، کە ماوەی ١٥ رۆژە ئاویان نییە و ماوەی سێ رۆژە ٨٠ هەزاریان بە ئاو داوە، دەشڵێت، خەڵک گوزەرانی بەو جۆرە نییە بتوانێت ئاو بکڕێت.

گرفتی کەمئاوی و کەمی کارەبا و خزمەتگوزارییەکانی دیکەش لە هەرێمدا زۆرن هەرکاتێکیش هاوڵاتیان دێنە سەر شەقام بۆ دەربڕینی نارەزایەتی، لەلایەن هێزە ئەمنییەکانەوە بە زەبری هێز بڵاوەیان پێدەکرێت، هاوڵاتیانیش باس لەوەدەکەن، کە حکومەت تەنها بەڵێن دەدات و جێبەجێی ناکات.

هـ.ئـ

No description available.
No description available.No description available.No description available.No description available.No description available.No description available.