02/05/2018

ڤیدیۆ.. فێستیڤاڵی زانستیی و کەلتووریی لە هەڵەبجە

1603 جار خوێندراوەتەوە

زانکۆی هەڵەبجە فێستیڤاڵێکی بۆ نمایشکردن و نیشاندانی بەرهەمە زانستی و کەلتوورییەکانی خوێندکارانی زانکۆکەیان ئەنجامدا.

لە فێستیڤاڵەکەدا بەرهەم و توانای زانستی خوێندکاران نیشاندرا، لەبەشێکی تری فێستیڤاڵەدا بەرهەمە فۆلکلۆرییەکانی ناوچەی هەورامان نمایشکرا و بە بەشداری گۆرانیبێژ (قاسم هەورامی) ئاهەنگی گۆرانی و هەڵپەڕکێش بەشێک بوون لە فێستیڤاڵەکە.

دەستەی خانمانی هەڵەبجە، کە لە ژنانی دەستڕەنگینی ناوچەکە پێکهاتوون بەرهەمە دەستییەکانیان لە فێستیڤاڵەکەدا نمایشکرد، جگە لەم چالاکییانە بڕیارە لە فێستیڤاڵەکەدا چەندین چالاکی تری هونەری و فۆلکلۆری بەڕێوەبچێت.