بەپەلە

ڤیدیۆ.. یاری ئەنگوستیلە لە قەزای ڕەواندز خەڵکی ناوچە جیاجیاکانی کوردستان کۆدەکاتەوە

ڤیدیۆ.. یاری ئەنگوستیلە لە قەزای ڕەواندز خەڵکی ناوچە جیاجیاکانی کوردستان کۆدەکاتەوە
10/06/2017

9124 جار خوێندراوەتەوە

+ -

یارى ئەنگوستیلە یەکێکە لە یاریە دێرینەکانى کورد لە ساڵانى شەستەکانەوە لە قەزاى ڕەواندز سەریهەڵداوە و لەنێوان دوو گروپدا دەکرێت و لەلایەن چەند کەسێکەوە سەرپەرشتى دەکرێت.

جگە لە خەڵکى ناوچەکە لە کەرکوک و چەمچەماڵ و چۆمان و ناوچەى دیکەشەوە دێن و بەشدارى لە یاریەکەدا دەکەن.

جگە لە گەنجان هاوکات کەسانى بەتەمەنیش بەشدارى یاریەکان دەکەن و ململانێکان لە نێوان ناوچەکاندا زیاتر گڕوتینى بە یارى ئەنگوستیلە داوە.

یارى ئەنگوستیلە تایبەت کراوە بە مانگى ڕەمەزان و لە شەواندا ئەنجام دەدرێت، بەشێک لە چێشتخانەکانیش لەو کاتەدا دوکانەکانیان بەڕووى میوانان و خەڵکى ناوچەکەدا دەکەنەوە و بژێوى ژیانیان لەسەر ئەو کارەیە.

لە یارى ئەنگوستیلەدا نوێنەرى گروپێکیان ئەنگوستیلەکە دەشارێتەوە و دەبێت گروپى بەرانبەر بیدۆزێتەوە ئەگەر نا ئەوا گروپى بەرامبەر خاڵێک بەدەست دەهێنێت.

ع.م